Wetteraussichten:
 
 
 
 
Schriftgröße:
 
normale Schrift einschalten große Schrift einschalten sehr große Schrift einschalten
 
Peenestadt Neukalen Vernetzt
 
Suchfunktion:
 
 
 
Newsletter:
 
 
Teilen auf Facebook
 

 

Klös

 

Karl-Friedrich Lenz

 

   Ja, wi sünd de Klös. Woans wi tau dissen Namen kamen wiern, weit ik ok nich so genau. Oewer man kann jo eis ein bäten rümdüsen un sik siene Gedanken maken. Klös geef dat vör 100 Johren siehr väl in Niegenkalen. De Nester harr´n se in Gartsbrauk in de Eschen hat. Von dor ut wiern se in de ganzen Stadt ünnerwägens. Sei kreisten üm den Turm der Kark un seten ok up dat Dack der Kark. Männigein set ok up den Karkenturm un bekek sik dat Läben up den Markt. Wat se dorbie to weiten krägen, weiten wi nich, oewer dat schad nich. Wi bruken ok nich allen´s to weiten. Oewer de Klös hett al Arthur Koch nägenteinhunnertfierundörtig schräwen. Natauläsen im Heimatheft von 1992. Hei meinte, dat de Klös man bannig dösbattelig wiern. Dat kann man nich seggen. Ik sülben hef beläft, as de Klös Wallnöt knackt harr´n. Wen se ´ne Wallnöt funn harr´n, stegen se pieel na baben in de Luft un leten de Nöt oewer ne Strat fallen. Wenn dat nich klappen de, täuften se up ein Auto, dat oewer de Nöt führ´n de. Nu kemen se an dat Inwendige der Nöt heran un freten den Kern up. Dat zeigt, dat de Klös intelligent sünd. De Verglik mit de Klös is also eine Ihr för de Niegenkalener un wi können stolt dorup sin, mit de Klös in ein Pott schmeten to warn.

   In de Stadt wiern so väle Klös as Inwohner. Theoretisch künn jeder sienen eigen Vagel hemm. Un dat können Se glöben, männigein hett sienen Vagel ümmer noch. Man möt nur orrig binnenwarts kieken, dann offenbart sik so manches. Doch ik will hier keinen up de Tehn pedden. Dat kann jedwerein mit sik sülben afmaken. Ok ik hef mienen eigenen Vagel.

   Hüttaudach gift dat nich miehr so väl Klös in uns Stadt. Ik mein den Vagel. Woans licht dat woll? Mögen´s uns nich miehr orrer het de Minsch tau grof ingrepen? Duntaumalen geef dat för twei Kreigenbeen 50 Pennig, un dat wier al gaudet Geld. Ik glöf, wie möten em unner Naturschutz stellen. Bi de Komorane het dat ja ok klappt, un se sünd al lang ´ne Plach för de Fischer. Oewer ganz so dull bruken wie de Klös ok werrer nich. Laten wi dat so as dat is, un dat is gaud.

 

KlösKlös