Wetteraussichten:
 
 
 
 
Schriftgröße:
 
normale Schrift einschalten große Schrift einschalten sehr große Schrift einschalten
 
Peenestadt Neukalen Vernetzt
Teilen auf Facebook
 
Niegenkalener orrer nich?

 

Karl-Friedrich Lenz

 

   De Minsch is ´n Zoonpolitikon, as de Lateiner secht. Hei möt ümmer irgendwo tauhürn. Dat gift väle Gelägenheiten, dat tau daun. Taun Bispill Schützenverein, Sportverein, Füerwehr, Isenbahnerclub, Gornverein, Arbeitstim, Rentner un noch väl mier. Ik wil nich allns uptelln. Äwer manch ein is in mierere Vereine. Hei kan nich nauch kriegen.
   Woans is dat äwer mit de Lüd einer Stadt? Taun Bispill Niegenkalen. Sünd all Minschen, de hier wohnen, Niegenkalener? Von boben ankeken schon, äwer feulen sik al as Niegenkalener? Wann kan man seggen, man is ´n Niegenkalener?
   Vör langer Tied müßt man Geld betalen, um Börger einer Stadt tau sin. Von doher kümmt ok de Snak: Worüm löpst du nich up den Börgerstieg? Hest du noch nich betahlt? De Tieden sünd al lang vörbie un keiner möt betahlen, üm as Börger anerkannt to warn.
   Wie is dat hüttodach? Wann kan man seggen, man is Niegenkalener? Möt man mit Peeneworer döft sin? De Peen is nicht nur hier bi uns. En Anklammer mit Peeneworer döft, is noch lan ken Niegenkalener. Dat möt anners gahn. Wenn ik den Burmeister kennen dau hür ik denn dortau? Orer möt ik in Niegenkalen up de Welt kommen? Wen dat so is gift dat bald keine Niegenkalener mier, denn de meisten warn in Demmin orer in Woren up de Welt bröcht. Wie is dat nu mit mie? Bün ik en Niegenkalener? Ik weit dat nich. Ik wohn al sit 1965 hier un bün bürtiger Darguner (Sandhaas). Ik bün also ein Darguner, de in Niegenkalen sin Wohnsitz upslagen het. Bün ik nu en Zwitter, en Sandhaas un en Klös?
   Wuväl Generatschonen tröch möt man gohn? Möten alle Vörfahren ut Niegenkalen stammen , um en Klös to sin? Wen ein inheurat, sünd dan de Nachkommen keine Klös mier? Wen dat so wier, gef dat kein Niegenkalener mier. Blots wat is man dann?
   Sünd wie dan Paradieser? Adam un Eva, de iersten Minschen, wiern ja ut dat Paradies kamen.Se sünd äwer verdrieben worn. Wat nu?
   Ik glöf, wie möten anners an de Sak ran gahn.
   Wo ik wohnen dau, is toletzt Taufall. De Leif kan einen an einen Urt verschlagen orrer de Arbeit, orrer ein geföllt dat bannig gaut an einen Urt. Dat gift also väle Möglichkeiten, dat man seßhaft ward. Un nu kümt dat, wat ein Minschen utmakt, de sik mit siene Stadt identifiziert. Dat heit, dat hei Niegenkalener ward. Lääft hei för siene Stadt, richt hei sich hüslich in, is hei bereit, för siene Stadt tau arbeiten, ok för dat Wohl anner Minschen tau sorgen, för dat Weh ok ein Uhr to hebben.
   Wenn ein Minsch aktiv för uns Stadt dor is, is hei ok ´n Clös!
   Ik glöf, alle Mitglieder im Heimatverein sünd gaude Niegenkalener!!

 

Wie sünd dei Kalschen Clös